ह. भ. प.श्री.भाऊसाहेब माणिकराव कोल्हे यांचे दुःखद निधन       जामखेड मधील कोल्हे वस्ती येथील प्रगतशील शेतकरी तथा विठ्ठल भजनी मंडळ जामखेडचे सदस्य वारकरी श्री भाऊसाहेब माणिकराव कोल्हे यांचे आज सकाळी दुःखद निधन झाले.    ते आषाढी व कार्तिकी दिंडी सोहळ्यामध्ये दरवर्षी सहभागी व्हायचे. मोठ्या निष्ठेने व भक्तीभावाने विठ्ठलाची सेवा ते करायचे. रोजचा दिनक्रम काकडा भजन पासून सुरु व्हायचा. नित्यनियमाने देवपूजा हरिपाठ घेतला जायचा. जामखेड मधील विठ्ठल मंदिरातील कीर्तन भजन सारख्या कुठल्याही धार्मिक कार्यक्रमात कित्येक दशकापासून ते सेवा करायचे.    त्यांच्या जाण्याने वारकरी संप्रदाय, भजनी मंडळ व जामखेड शहरावर दुःखाची शोककळा पसरलेली आहे.       त्यांच्या पश्चात पत्नी,दोन मुले, एक मुलगी, तीन बहिणी असा परिवार आहे.